Nokon har venta på å få sjå Independence Day 2 heilt sidan den første kom ut i 1996, og regissør Roland Emmerich er absolutt ein av dei. I samband med lanseringa av hans nyaste film White House Down var han i ein spørsmålsrunde der han avslørte at Bill Pullman og Jeff Goldblum ville gjere sine respektive roller i den komande oppfølgjaren.

– Me gjer ikkje ein fullstendig reboot, me gjer noko som er heilt uvanleg. Men eg trur òg at romvesena kjem tilbake, sa Emmerich og lo, ifølgje movies.com.

Pullman spelte presidenten, og Goldblum ein datahacker og sjakkentusiast i den første filmen. Dei to har ikkje signert kontraktar enno, men båe har tidlegare vist interesse for atterkomst, og Emmerich har dei med i manuset sitt.

Han kunne òg avsløre at det er ein homofil karakter blant dei nye ansikta i filmen, men han ville ikkje seie meir. Spørsmålet kom opp i samanheng med Emmerichs arbeid som LHBT-aktivist, og Hollywoods mangel på seriøse homofile rollemodellar.

Anmelding: Emmerichs «2012»: – To og en halv time med total fuckings destruction

(Artikkelen held fram under biletet.)

Ein av dei meir minneverdige augneblinka frå «Independence Day». (Foto: SF Norge)
Ein av dei meir minneverdige augneblinka frå «Independence Day». (Foto: SF Norge)
Mest sannsynleg utan Will Smith

Emmerich har tidlegare sagt at oppfølgjaren ikkje vert utan Will Smith, Hollywood-stjerna som for alvor slo gjennom med Independence Day.

Tidlegare denne veka sa han derimot at Smith no er «for dyr» og eit «for stort namn» til å få med i film nummer to, i natt utfylte han at han håper at skodespelaren kan gjere ei bittelita rolle i oppfølgjaren for å «gi stafettpinnen vidare».

– Ikkje noko stor overrasking at det kjem ein oppfølgjar – sa Birger Vestmo i 1998.

Det har vore snakk om ein oppfølgjar til Independence Day sidan slutten av 90-talet. Faktisk var det eit tema i den aller første sendinga av Filmpolitiet den 11. januar 1998 (høyr klipp til høgre).

Filmen har vore i såkalla «development hell» – eit uttrykk for store forseinkngar før produksjonen vert starta – sidan den tida. Me har sett ideen dukke opp igjen med jamne mellomrom sidan det – både i 2001, 2004 og 2009 – men det er ikkje før no det verkar å ha teke av igjen.

Litt som karrieren til Jeff Goldblum, med andre ord – som stort sett har gjort mindre jobbar det siste tiåret, før han nyleg vart sett opp på kino igjen i Jurassic Park 3D.

Independence Day 2 har ifølgje Emmerich planlagd premiere 4. juli 2015.

Kva trur du Emmerich kan få til med Independence Day 2?

  • @SiggmunnD

    • Haha, den «must go faster»-delen har eg aldri tenkt over før.

    • Neo

      Genial 🙂

    • Garben

      Beste med traileren var «Her?!»-kommentaren på slutten. Presidentens datter er jo farken meg Egg…øh.. Ann fra Arrested Development!

  • Morten Joki Haukeberg

    Kan bli et gledelig gjensyn dette her. Men skeptisk til Will Smiths lille rolle i denne filmen, enten går han «all in» med Will Smith-style eller lar han noen andre ta dette oppdraget.

  • FraOven

    Jeff Goldblum!

  • De får sikkert hans grusomme sønn gratis av far.

  • Jonas Heitmann

    Like greit at Will Smith ikke er med, makan til kjedelig skuespiller nå om dagen skal du lete lenge etter.