20.09.19 kl 7.48

Å drive med «fatshaming» kjem ikkje til å få folk til å slutte å ete for mykje. Det seier kroppsaktivisten Helene Thyrsted til Danmarks Radio. Debatten om «fatshaming» starta etter at ein amerikansk programleiar tok opp temaet i eit talk-show. Bill Maher oppfordra folk til å «fatshame», og nokre dagar etterpå sa den britiske fitnessinstruktøren Danielle Levy også at viss ein «fatshamer» meir, så kjem folk til å ete mindre. Fleire har reagert på dette på Twitter, og meina det er mobbing. Thyrsted er blant desse, og ho seier til DR at «fatshame» har ein negativ effekt. – Det får den som skammar seg til å trøysteete meir, og gjer at folk ser endå meir ned på seg sjølv. ◼️ Thyrsted har sjølv slite mykje med sin eigen kropp, og er no med i ein ny film som heiter «Fat Front». Det er ein dokumentar som handlar om kvinner som kallar seg sjølv tjukke og fett-aktivistar, og som er lei av å skamme seg over sine eigne kroppar. Foto: Marie Hald, Moment Agency/Institute

638 43