Før helga slapp fan-nettstaden MI6 nyheita om at Daniel Craig skulle spele i to filmar til etter Skyfall, no har óg Eon Production bekrefta at Craig er med på to komande Bond-prosjekt.
Etter rebooten av Bond-universet som kom med Martin Campbells Casino Royale i 2006, oppfølgjaren Quantum of Solace, den komande Skyfall, og to filmar til vil Craig ramle inn på tredjeplassen over folk som har ikledd seg smokingen flest gongar.
Pengane tilbake, fleire filmar
Sony Pictures er òg inne i finansieringsprosessen, noko som mest sannsynleg betyr at Bond-filmane vil kome nærare og nærare éin film annakvart år.
Den lange pausen mellom Quantum of Solace (2008) og Skyfall kom av pengetrøbbel for MGM-studioet, men dei melder no at dei skal vere tilbake på sporet, ifølgje Empire. Det er dermed ikkje usannsynleg at Daniel Craig returnerar i Bond 24 alt i 2014.
Om det er ein god ting eller ikkje at filmane får raskare frekvens får ein vente å sjå, men den foreløbige tilbakemeldinga på Skyfall tilseier at det iallfall ikkje har skada filmen å ha god tid.
Det bør òg nemnast at både Timothy Dalton og Sean Connery i si tid forlot kontraktene sine før dei hadde laga alle filmane.
Les også: Roger Moore: — Sean Connery er den beste Bond
Skyfall den 26. oktober
Men aller først skal me innom mellom anna Istanbul i Skyfall seinare i år. Filmen har ifølgje publikum den lengste introscena i Bond-filmens historie, som inkluderar ei 20 minutters biljaktscene.
Selskapet har sjølv lagt ut ein film frå produksjonen av denne scena.
Regissør Sam Mendes og resten av mannskapet verkar iallfall å ha trua på Istanbul som åstad for actionscener, korvidt dei klarar å få det klistra til film må me vente til den 26. oktober med å avgjere.
Kva tykkjer du om Daniel Craig som James Bond? Kven bør ta over etter han?