Det er kommuneval i haust. Det betyr at me i tida framover vil få høyre mykje om kva partia meiner om alt frå eldreomsorg til utdanning. Det betyr også at kommunesamanslåings-debatten vil våkne til liv for fullt.
I den samband har me laga eit spel. Eit spel der du får moglegheita til å tvangssamanslå Kautokeino og Oslo om du vil.
– Erna Solberg har uttalt at dei ikkje driv med kommunesamanslåing berre på gøy – men det gjer me, seier konseptutviklar Martin Aas.
Slik funkar det:
Dann vassrette linjer ved å flytte og rotere kommunane for å slå dei saman. Du treng berre å danne éi vassrett linje langs heile brettet for at heile kommunen skal slås saman med sine nye vener.
For kvar nye superkommune du lagar tjener du moderniseringspoeng.
Om du slit skikkeleg kan du få hjelp av kommunal- og moderniseringsministeren til å tvangssamanslå alle kommunane på brettet til ein supermoderne storkommune. Men dette kostar deg 10 000 moderniseringspoeng, og kan berre gjerast ein gong i minuttet.
P.S.! Eldgamle nettlesarar som Internet Explorer 8 og eldre er dessverre ikkje mordernisert nok til å slå saman kommunar.
