Med The Wolverine oppe i filminteressertes merksemd var det på tide med litt nyheiter frå nestemann ut, X-Men-filmen Days of the future past. Gjennom viralreklamenettsida for det fiktive selskapet Trask Industries viser 20th Century Fox oss litt frå den komande superheltfilmen.
Bryan Singer (X-Men 1 og 2, samt ei utvida produsentrolle i First Class) er attende som regissør, og no er PR-kampen så smått i gang.
I ein kort reklamefilm for Sentinels, bodyguardrobotar skapt av Trask Industries skapt for å beskytte sine eigarar, verkar dei likevel å ha ei litt skummel side (lysande auger er aldri ein god ting). Sjølv om dei ikkje klarar å fange eit klinisk framtidsutopia like godt som Prometheus-viralvideoane er det framleis noko fordekt som dirrar under overflata her òg.
Anmelding: X-Men: First Class: – Jeg har fortsatt lyst til å høre deres historie
Bolivar Trask – literally Hitler
I tillegg til videoen viser sida ulike deler av selskapet, som er styrt av militærvitskapsmannen Bolivar Trask – spelt av Peter Dinklage (Game of Thrones). Trask vert beskrive som ein mann med stor interesse i evolusjon og gener, og som oppdagsmannen av X-genet som gjer mutasjonane til X-Men mogeleg.
Deretter er han teikna som ein mann som vil bekjempe mutantar for å unngå menneskets utrydning, gjennom blant anna «genbegrensande halsband» (noko han gav til sonen sin i teikneseriene), og ved å bygge Sentinels (som me så vidt fekk ein liten kikk på i starten av X-Men: The Last Stand frå 2006).
X-Men: Days of the Future Past tek mål på seg å foreine historielinjene frå dei første tre X-Men-filmane, og den eldre historielinja som starta med X-Men: First Class i 2011. Tidsreiser er involvert når både Magneto (Michael Fassbender OG Ian McKellen), Professor X (James McAvoy OG Patrick Stewart) og ei rekkje andre figurar skal møte andre versjonar av seg sjølv på 70-talet. Om ein skal døme frå barten til Peter Dinklage, så er iallfall tidskoloritten inne!
Filmen har planlagd noregspremiere den 18. juli 2014.
Mutants are the enemy. Igjen?
