Jakta på den neste filmseriesuksessen for den mykje ettertrakta «young adult»-marknaden held fram. Og dystopiske univers som er ein eller anna metafor for samfunnet vårt slik det er i dag er iallfall noko ungdommen kjem til å sjå mykje av i åra som kjem.

Les også: Fleire filmar ynskjer å ta opp tråden der «Harry Potter» slutta

Sist ute er regissør Neil Burger (Illusjonisten) sin adapsjon av Veronica Roths roman Divergent. I dette samfunnet vert alle menneske delt inn i fem kategoriar etter menneskelege dygder: uselvisk, roleg, ærleg, modig og intelligent.

Men nokre fell ikkje inn i nokon av kategoriane, dei er «divergent» – avvikande. Ein av dei er hovudrolla Tris, spelt av Shailene Woodley.

Klipt ut av «Amazing Spider-Man 2»

Etter rolla i TV-serien The Secret Life of the American Teenager og Alexander Paynes The Descendants vart Shailene Woodley spådd å vere ei av Hollywood komande stjerner, og med førehandshypen denne filmen har skapt er det ikkje utenkjeleg at det held fram.

Anmelding: The Descendants: – Hun spiller med så stor selvsikkerhet at vi kan ha med en kommende stjerne å gjøre

Woodley skulle opphavleg vere med i Amazing Spider-Man 2 som superheltens ikoniske raudhåra kjærast, Mary Jane Watson – men vart kutta ut og sendt vidare til den tredje planlagde filmen i serien.

Divergent har planlagd noregspremiere den 21. mars 2014. Hennar neste prosjekt er kreft(-, litteratur- og ungdoms)dramaet Fault in our stars (Faen ta skjebnen på norsk) basert på John Greens bestseljande bok.

Kva er din favorittdystopi (for «young adults»)?

Hei! Les dette før du skriver en kommentar:
Vi vil gjerne ha engasjerte debattanter og setter pris på konstruktive bidrag til samtalen. Det er lov å være kritisk eller uenig, men hold deg til tema og vær saklig i dine begrunnelser (husk at det er lett å bli misforstått). Personangrep og trakassering er ikke greit - slike innlegg blir slettet. Vi vil også gjerne at du bruker ditt fulle navn når du kommenterer. Takk for dine bidrag, hilsen oss i P3 Filmpolitiet.