Ein skulle tru at å overføre Metal Gear Solid-spela til lerretet var den enklaste saken i verda. Eit spel som allereie har halvtimeslange filmsekvensar burde iallfall vere mogeleg å flytte frå det interaktive mediet til filmen.
Det har iallfall ikkje stått på forsøka frå spelskapar Hideo Kojima og selskapet Konami, men det førre prosjektet stranda i 2008.
På eit arrangement for 25-årsjubileumet for serien i natt, viste dei fram komande prosjekt med Snake og venene hans.
— Videospela er den nye teikneserien
I følgje Kotaku har han store forhåpningar til videospela som kjelde for filmforteljingar.
— I mange år kjempa eg for å få teikneserier til kinosalane, seier han frå scena i Japan, og refererer til at han heilt sidan X-Men har arbeidd med teikneseriefilmar.
— Teikneserier er no den største sjangeren på film. Videospel er notidas teikneserier.
Til dei som er miljøskada av diverse Uwe Boll-adapsjonar kunne Arad betrygge forsamlinga:
— Me kjem til å ta oss tid til å fortelje historia med alle dei nyansar, ideologiar og forsiktigheiter me trenger.
Les også: Hideo Kojima ut mot japanske spelutviklarar
Tidleg i prosessen
Foreløbig verkar det som dei er tidleg i prosessen, og verken skodespelarar eller regissør er klart enno.
Kojima har nok ynskjer, men av dei han nemnde på scena var det hovudsakleg hans favorittar – deriblant regissør Christopher Nolan og skodespelarar som Matt Damon og Hugh Jackman.
Det er Columbia Pictures – eigd av Sony – som skal distribuere filmen.
— Game without Game Over
I tillegg til spelet kunne Konami skilte med eit nytt spel, Metal Gear Solid: Ground Zeroes.
Fram til no har Metal Gear Solid-spela i hovudsak vore ganske lineære forteljingar, men her ynskjer Kojima i større grad å trekkje Snake ut i ei open verd.
Oppdatert: Her er traileren
I staden for dei sedvanlege «Du har blitt oppdaga, Game Over»-meldingane vert ein del av spelet heller å kome seg unna fiendar og i skjul igjen. Kojima seier dette er ein del av konseptet «Game without Game Over».
Ein trailer for spelet vart vist bak lukka dører i Tokyo og publikumsreaksjonane verkar å vere gode. Spelet vart vist på ein PC, men er visstnok planlagd til både Xbox 360 og PS3.
Kven tykkjer du bør spele Snake i ein film frå Metal Gear Solid-universet?
Her er redaksjonens stalltips:
Rune: — Viggo Mortensen kan fungere.
Birger: — Tom Hardy kan brukast til alt!
Andreas: — Kurt Russell som den gamle Snake, Johnny Whitworth som den unge.