Med draghjelp frå fire Golden Globe-nominasjonar i går, og ei rad av nominasjonar til produsentane (PGA), skodespelarane (SAG), og manusforfattarane (WGA) tidlegare la Netflix i natt ut den første fullstendige traileren for andre sesong av House of Cards.

Frank Underwood, seriens karismatiske hovudfigur, startar jobben som visepresident. Traileren fortel ikkje veldig mykje, men viser at han må møte motstand frå folk han har stukke i ryggen før – blant anna kona Claire (Robin Wright), journalisten Zoe (Kate Mara) og fleire partifellar.

Sjølvsagt har han sjølvtillit nok til å tru at han kan karre seg ut av det.

Kevin Spacey til Filmpolitiet: – Eg er ikkje interessert i å gjere fleire TV-seriar som skodespelar

Når korthuset fell

Låten ein høyrer i bakgrunnen er ein storslått korversjon av Stings «Demolition Man», hvis tittel vert messa tungt mot slutten av traileren. Igjen – som i første sesong – er det vanskeleg å vite kven som står under korthuset når det fell – Underwood eller hans politiske fiendar.

– Eg har ikkje lyst til å øydeleggje det for nokon. Det meste eg kan seie er at du vil sjå Francis og Claire halde fram med den skruppelløse kampen for makta. Du lærer mykje meir om ho, og Underwood-ekteskapet er verkeleg sentralt, seier manusforfattar Beau Willimons til L.A. Times.

Han hadde opphavleg planlagt at den komande sesongen skulle vere den siste – men med suksessen til første sesong er Netflix no i samtalar om å lage fleire, utan at noko er avgjort enno.

Sannsynlegvis får me ei endeleg avklaring på dette før andre sesong av House of Cards dukkar opp den 14. februar 2014.

Anmelding: «House of Cards» S01 E01-02: – Når korthuset fell

Hei! Les dette før du skriver en kommentar:
Vi vil gjerne ha engasjerte debattanter og setter pris på konstruktive bidrag til samtalen. Det er lov å være kritisk eller uenig, men hold deg til tema og vær saklig i dine begrunnelser (husk at det er lett å bli misforstått). Personangrep og trakassering er ikke greit - slike innlegg blir slettet. Vi vil også gjerne at du bruker ditt fulle navn når du kommenterer. Takk for dine bidrag, hilsen oss i P3 Filmpolitiet.