Disney-filmen Frost (Frozen) vann, ikkje uventa, prisen for beste animasjonfilm under nattas Oscar-sending. Denn vann òg for Beste originalsang. Filmen er skapt med inspirasjon frå norske omgivnader og med norsk musikk – blant anna gjennom eit samarbeid med Innovasjon Norge, som vart kontakta om prosjektet for to år sidan med spørsmål om stader i Noreg ein burde ha sett.

Resultatet vart innhopp frå blant anna Bryggen i Bergen, Akershus festning, ei rekkje norske fjordar, nordlys, og samisk musikk.

– Det var veldig bra! Det var nesten venta, veldig hyggelig, det var jo ein favoritt. Filmen har jo blitt en kjempesuksess, den har jo vunne mange prisar – Golden Globe, BAFTA, Annie og no Oscar. Det at vi i Norge har fått vere samarbeidspartnar er veldig spennande, seier Per-Arne Tuftin i Innovasjon Norge.

I tillegg til samarbeidet er det fleire innhopp frå norsk og samisk musikk i filmen.

– Veldig hyggeleg for oss når Trondheimskoret Cantus, Sissel Morgen Gullord på horn, og Kristine Hals som har vært med å skrive musikken – kan være med å vinne. Dette liker vi!

Anmelding: Flott Disney-versjon av norsk vinter

Har tent over 1 milliard på verdsbasis

Birger Vestmo gav filmen terningkast 4, men meiner likevel at det ikkje er veldig overraskande at den vinner.

– Det er ein god, gamaldags animert Disney-musikal, med ei morosam historie og gode låtar. Personlig likte eg nok Grusomme meg 2 enda bedre, men Frozen er den typen storslagne hollywoodske animasjonsfilm som Oscar-akademiet elskar. Dette var ikkje uventa, seier Birger Vestmo.

– Skal vi si at det er en “litt” norsk pris?

Disney har eit eiget reiseselskap som no vil starte reiser til Noreg for spesielt interesserte – eit liknande prosjekt vart òg gjort i Skottland med fjorårets Pixar-film Brave (Modig), som vann både Golden Globe og Oscar-pris i same kategori.

– Om ein ser på Brave, så har dei rekna seg fram til at filmen skapte ein meirverdi i Skottland på over 1 milliard norske kroner. Det er alltid farleg å seie kva det kan bety for norsk reiseliv, men det er klart det gir fokus på Noreg, sa Tuftin til Filmpolitiet då den vann Golden Globe.

Hei! Les dette før du skriver en kommentar:
Vi vil gjerne ha engasjerte debattanter og setter pris på konstruktive bidrag til samtalen. Det er lov å være kritisk eller uenig, men hold deg til tema og vær saklig i dine begrunnelser (husk at det er lett å bli misforstått). Personangrep og trakassering er ikke greit - slike innlegg blir slettet. Vi vil også gjerne at du bruker ditt fulle navn når du kommenterer. Takk for dine bidrag, hilsen oss i P3 Filmpolitiet.